Issittumi Avannarlermi uumasut amerlanersaat misissorneqartut maannakkut ataavartumik amerlassuseqaraluartut amerliartoraluartulluunniit, uumasut Issittumi Avannarlermi inunnut pingaaruteqartut imaluunniit silarsuarmi tamarmi pingaaruteqartut ikiliartorput.


Tuttut taakkulu arlaat nujuartat Issittumi Avannarlermi inunnut assut pingaaruteqarput. 1990-kkunniilli 2000-p aallartilaarneranut tuttut atatsimoortut ikiliartorsimapput amerlassutsimik pingajorarterutaannik, 5.6 millioninit 3.8 millioninut. Taakku pinngortitap ingerlaarneratut nassuiarneqarsinnaagaluartut, uumasut taakku amerliartoqqissinnaanerat nalorninarpoq, ullumikkut amerlassusaannut sunniuteqartut arlalissuummata, soorlu silaannaap allanngoriartornera inuillut tuttut inaanni suliaqartut amerliartortillugit. Paasisat amerlagaluaqisut, uumasut ataasiakkaat taakkulu ineqarneri pillugit paasinngisat suli amigaateqarput. Aallaat uumasut alutornartut soorlu nanoq, qanoq ingerlanerat ataatsimoortuni ataatsimoortunit 19-nit immikkoortut 12-it ilisimasaqarfigineqarput; taakkunannga arfineq pingasut ikiliartorput.

Issittumi Avannarlermi timmissat sissarmiut, soorlu qajorlak, Issittumi Avannarlermut ernioriartorluni ungasissummit tikittarpoq. Uppernarsarneqarpoq timmissat sissarmiut silarsuarmi tamarmi ikiliartortut. Qajorlaat arlaannit arfinilinnit, pingasut ikiliartorput, ilaallu ikiliartornerinik ilimagineqarlutik imaluunniit amerlassusii ilisimaneqanngillat. Issittumi Avannarlermi Allanngorarnernut Allattorsimaffik (The Arctic Species Trend Index (ASTI)), uumasut qimerlullit allanngoriartornerinik ukiut kingulliit 34-it ingerlanerini takutitsisut, ersersippaat tamakkiisumik nunami qimerlullit uumasut 10%-mik ikileriarsimasut. Ikilinerit ilaatigut naasortuumasut ikilisimanerinik takutitsipput, soorlu tuttut avinngallu. Issittumi Avannarlermi kujasinnerusuni, uumasut qimerlullit amerlisimapput, nerlerit assigiinngitsut amerliartupiloornerinik ilaneqartumik, maannakkullu taakku uumanissamut pisariaqartitaannik avatagiisit tunisisinnaanerat annikilliartorluni.

Timmissat imarmiut amerlalluinnartut, soorlu meqqit, naliginnaasumik pissusissamissut ingerlapput. Issittumi Avannarlermi timmissat imarmiut ilaat, soorlu appat, allaanerusumik allanngoriartornermik takutitsisinnaapput. Taakku amerlassusaat silaannaap allanngoriartornera annertunerusumik ilutigalugu allanngorarput, allalli piniarneqarpallaarnertik pissutigalugu sunnerneqarsimallutik.

Issittumi Avannarlermeersut eqaluit tasersmiut pissusissamisoortutut oqaatigineqarput, kujasinnerusunut naleqqiullugit. Aalisakkanillu imarmiunik avannamut nuussortunik uppernarsaatissaqartoqarpoq, aalisakkat ilaat piniarneqartartut ilaallu piniarneqartanngitsut eqqarsaatigalugit. Allanngorneq taanna silaannaap allanngulerneranit sunniutaasorineqarpoq, aalisapilunnerit allallu sunniisinnaasut saniatigut.