Issittumi Avannarlermi uumassusillit allanngoriartornerinut peqqutaasunut kingunertunersaavoq pingaarnersaallunilu silaannaap allanngoriartornera. Taamaattoq, migutsitsineq, ineqarfiit immikkoortukkaarneri, suliffissuaqarnermi ineriartornerit, ataavanngitsumillu piniarnerit aamma sunneeqataajuartuupput. Silaannaap allanngornera sunniisinnaasullu allat imminnut akkulerunneri uumassusillit allanngorarnerinik annertuumik sunniuteqarput.


Issittumi Avannarlermi uumassusillit kaaviiaartuarnerisa upernaap aasallu ingerlanerini kinguaassiornerminni annertunerpaaffigisarpaat naaruttornerit atorluaaffigalugit. Sikup aputillu aajaartalernerisa, naasut sikkerajaartarlernerisa, uumasullu qimerlullit takornatat takkusuunnerisa kinguaassiortarnerit nerisassaqarnerillu naliffassarneri akunnassisisinnaavaat. Taakkua saniatigut piffinni assigiinngitsuni immap kissarnerulernerata immami uumasut avannamut nooralersissimavaat, soorlu aalisakkat aalajangersimaut arlallit taakkulu suffisarneri.

Allannguutit taakku kingunerivaat timmissat imarmiut kinguaassiornerisa iluatsinngitsoornerat, taamaalillutillu ikiliartorneri. Issittumi Avannarlermi Uumassusillit allanngorarnerat Issittup Avannarliup avataaniit sunnerneqarput, sunniisunullu ilaapput ungasissumut silaannakkut imaatigullu angallannerni migutsitsinerit, nuuttarnerit aqqutaanni ineqarfiit allanngorarneri, uumasullu takornartat takkussorneri. Migutsitsinerit annertusiartornerisa takussutissaat nannut ataatsimoortut ilaanni nassaarineqarsimapput, qularnanngitsumik sikup annikilliartornera peqqutigalugu nerisat allanngornerisa kingunerannik. Qajorlaat uninngasarfii pingaarnerit ukiiffiilu pingaaruteqartorujuupput, Issittup Avannarliup avataanit takkuttunit ineqarfeqalersunit akornuserneqarnissaminnut navianartorsiortinneqartut.