1991-miit, Issittumi Avannarlermi piffiit illersukkat annertusiartorput, imaani illersukkat suli amerlanngikkaluartut.


1991-p 2010-llu akornanni, Issittumi Avannarlermi piffiit allanngutsaalisat marloriaammik annertussuseqalersimapput 5.6%-mit 11%-mut. Massakkut piffiit 1,127-it 3.5 million km2-it Issittumi Avannarlermi allanngutsaalineqarput. Piffiit 40%-ii sineriattaqarput, massakkulli immamut avatagiisiminnut qanoq akulerusimanerat oqaatigineqarsinnaanngilaq. Silaannaap allanngupallannerata Issittumilu Avannarlermi inuit sunniisinnaanerisa amerliartorneri tunngavigalugit pisariaqarluinnalerpoq naliliinissaq nunamik allanngutsaaliinerit ullumikkut pitsaanerusumik ingerlanneqalernissaat ataavartitsinissamut sakkugissallugit. Imaani piffinni allanngutsaalineqartut ikinnerujussuupput nukinginnarluinnartumillu pisariaqartitsisoqarpoq imaani uumassuseqarfiit pingaarutillit paasiniassallugit allanngutsaalissallugillu.